Tyohaar-E-Holi

gulaal ka ambaar hai
ya rang ka vyapar hai
bs khel kud saar hai
toh q ye fir tyohaar hai
maksad jo peeche reh gya
insaan ki ye haar hai
jo ik duje ko lipte h
inme bhi koi pyaar hai
ya fitrat-e-tyohaar hai

rangey toh hm bachpan se h
ya ho vasant ya sheet ho
satru na the hm maawsi
na poornima k meet ho
jo rang bhed ka ant ho
jo pyaar ki bauchhar ho
jo ik duje ko maaf karen
jab fir se yaar yaar ho
jab uch nich ka ant ho
jab maanawata anant ho
dukiyaare ka dukh baate hum
sukh k moh ko jab tyaage hum
 mann me aisa jo vichaar h
tab mano ye tyohaar hai

maryaada ko naa laanghe hum
mann purusaarth se baandhe hum
guruo ko naman karen jhuk kar
aur anujo sung jo raanjhe hum

jis roz bhi aisa ho maano
bikhra har or gulaal hai
khud ko kar mitti se pavitra
ye “holi” ka tyohaar hai